古巨基《幻樂之城》音樂劇悼好友

时间:2018年09月20日 17:19  稿件来源:香港《文匯報》


唱到眼濕濕的基仔獲主持何炅安慰。

  香港新聞網9月20日電 據香港《文匯報》報道,日前,古巨基參與內地音樂節目《幻樂之城》演出,節目以“唱+演”作為表演形式,以電影長鏡頭的表現方式重塑音樂作品。今次基仔自編自導自演音樂劇《下次再見》原來係親身經歷。

  別等下次,別愛太遲,唔係所有下次再見都能迎來久別重逢。歌未起,淚已落。音樂劇講述求學時間五位好友,畢業後各有各忙,直至十年後其中一位老友結婚先齊腳聚會,後來其中一位好友遇上車禍離世,呢個時間,基仔就唱出《朋友》。其實呢個音樂劇題材係基仔自身感受,事後佢自己社交平台寫道:“早一段日子,我一位老朋友過世。他是我的小學同學,長大後大夥兒雖然各有忙碌,偶然能約成的聚會通常都比較難人齊。兩年前,最要好的一班老同學和老師終於約了一次相對齊人的飯聚。我還記得在聚會結束前,大家說好了以後要多約多見面。沒想到,那是我見他的最後一次。在那次聚會的幾個月後,他突然離世。原來,人生真的很無常。”平常一句“下次再見”變成再也不能見。基仔動情演繹,獲得音樂體驗官王菲讚歎:“整個人都在情緒裡面!”

  今次基仔仲特別搵多年前拍《情深深雨濛濛》中,“何書桓(古巨基飾)”好友“陸爾豪”高鑫於音樂劇中飾演自己過世好友,睇到網民好鬼激動,回憶仲返晒??。除此之外,憑《延禧攻略》“富察皇后”一角而爆紅內地女星秦嵐亦有微博轉發,除喊人住睇,佢仲大讚基仔有顏值又有才華??。除感性一面,基仔其後又回復佢搞鬼性情,為了給觀眾留下懸念,基仔台上自爆同導演意見不合,所以只有他自己一個人上台。主持何炅搞笑回應:“你這樣講,很容易讓觀眾們解讀成:你把導演氣走了!”基仔就話:“但是為了能上鏡頭,最終他還是來了。”原來就係基仔自導自演自演自唱,咁“大牌”導演,引得現場爆笑連連。

【編輯:黎群英

PRINTED BY:H K CHINA NEWS AGENCY LIMITED 30/F.,Global Trade Square,21 Wong Chuk Hang Road,Southern District,Hong Kong
Tel: (+852) 28561919 Fax: (+852) 25647453